BELLA MIABELLA



Io t''o ddicevo...
ce si caduta:
P''a troppa fòja,
gioja mia,
te si' perduta...
Senz'arte ê mmane,
senza dimane...
abbandunata,
sola sola,
rieste tu...

Bella mia, che chiagne a fá?
Mme faje pena, 'a veritá...
Mo t'affitto nu quartino
cu 'a luggetta e 'o belvedé:
lasso a Rosa e piglio a te...

Bella mia, che chiagne a fá?
............................................

II

Hê fatto male
ca te si' data,
anema e core,
'mbracci'a chillo
una vutata...
Ca te ne piente,
nun gióva a niente...
'O fatto è fatto...
mo ll'amico
ride 'e te!...

Bella mia, che chiagne a fá?
............................................ 

III

Isso diceva
ca te spusava
quann'abbracciata
te teneva
e se sfeziava...
Scióre d'aprile,
scióre gentile,
chi t'ha sfrunnato,
n'ora 'e pace
nn'ha da avé!...

Bella mia, che chiagne a fá?
............................................


Barbieri - Di Chiara